Facebook prezanton risinë e radhës, platforma OpenCellular

_90314366_mediaitem90314362

Facebook ka prezantuar një platformë me burim të hapur të komunikimit, si pjesë e përpjekjeve të vazhdueshme të rrjetit social, për të sjellë lidhjen e internetit në pjesë të ndryshme të botës.

Mark Zuckerberg ka ndarë në profilin e tij imazhe të një pajisjeje me përmasat e një kutie këpucësh, e cila përmbante mjetet e nevojshme për të ngritur një rrjet me valë lokale.

“OpenCellular është hapi tjetër i udhëtimit tonë për të siguruar një lidhje interneti më të mirë, e më të përballueshme duke sjellë botën më afër njëri-tjetrit,” shkroi ai.

Por përpjekjet e Facebook në vendet në zhvillim janë kritikuar ashpër gjatë vitit 2016.

Facebook numëron 1.6 miliardë përdorues deri në këto momente. Në mënyrë që të rrisë numrin e përdoruesve të saj, Facebook është në kërkim të pjesëve të botës të cilat nuk kanë Facebook, apo internet.

Facebook ka zhvilluar disa teknologji të reja në këtë drejtim, duke përfshirë një dron të lehtë, i cili furnizohet me energji diellore dhe është duke u projektuar dhe ndërtuar në Mbretërinë e Bashkuar.

(Herë të lexuara: 201)

About Ardit Miraka

Check Also

Shtëpia inteligjente që keni ëndërruar gjithmonë

Për rezidencat e shteteve të bashkuara kompania e dizenjimit KB Home ka ndërtuar një shtëpi …

Leave a Reply

Your email address will not be published. Required fields are marked *